موضوعي اليوم اكتبه بمشاعر مختلطه وسؤال

موضوعي اليوم اكتبه بمشاعر مختلطه
وسؤال لكل معلم و معلمه لكل أم وأب
فهموني الله يرضى عليكم وش احساسكم
وانتم تصورون طفل يبكي او طفله تبكي

 طفل يضرب اخوه

طفل يترجاك وهو يبكي بحرقه

طفل يتلفظ بكلمات بذيئه والكل يضحك عليه
طفله وهي تترجى امها تصلي وماتسمع اغاني
طفل مايتجاوز السنتين شايل طفل
ماتجاوز الشهرين ويطيح من يده 

ودي اعرف احساسك وانت تصور وتنشر المقطع
ودي اعرف احساسك وانتي تصورين طفله
تترجاك وتبكي وردك عليها انقلعي
ودي اعرف شعورك والعالم
تنتقدك بعد انتشار المقطع
بغيتهم يضحكون لكن الناس
تعاطفت مع الطفل ولامتك انت

وبعد ماتشوفون العالم تحط اللوم عليكم
ترجعون ترسلون اعتذار وما احلل و و و و و
لما صورت وصورتي ما صحيتو ضمايركم
ما باليتو بالامانه اللي بين يدينكم
سواء معلم او معلمه او ابو او ام ‼️
مافكرتو بالتأثير السلبي على هالطفل
من فعلتك وضحكاتك؟
 بدل ما تحمدون ربي على هالامانه
وتدعونه انكم تكونون قدها
وتزرعون الثقه بألاطفال وتنمون شخصياتهم

انعم الله عليك بطفل تعلمه حروف
ماينسى فضلك فيها بعد الله وتقلب ضعفه الى نكته
انعم الله عليكِ بطفله تخاف عليك من سماع الاغاني
وتترجاك بدموعها انك ماتسمعين اغاني
وردك عليه كان ضحكات وتذمر وانقلعي 

اي معلم انت اللي كدت ان تكون رسولا
اي رسول اللي يستغل وظيفته بأضحاك الناس
اي أم انتي تستمتعين بتدمير طفلك وثقته بنفسه
وتهشيم شخصيته وتجاهل ايجابياته

نصيحه حاسب نفسك وراقب افعالك
فأنك مسؤول ومراقب من الرحمن الرحيم 
كلنااااا مسؤولون أم أب معلم معلمه انسااااااان
كلنا، خلونا نتعاون اللي يوصله مثل هالمقاطع
لا ينشرها ويحتسب الاجر
ويتخيل هالطفل ولده او بنته 

اخيراً الله لا يقسي قلوبنا على طفل
ولا يجعلنا عليهم من الضاحكين
مين من اليوم ماراح يرسل
ويساعد بنشر هالمقاطع ؟ 

كما وصلني
وأضيف صوروا فهذه حريه شخصيه ولكن لاداعي لنشرها
~~~~~~~~~~~~~~~~~~~~~~~~~~~~~