فضلاً حط حالك ع الصامت

لما تزور انسان مريض
عم يتمنى الموت بكل ثانيه
من شدة الألم و إنت مبسوط
و فرحان و ماعندك علّه..

فحطّ حالك ع الصامت

لما ابنك يتخرج من الجامعه
وابن جيرانك يلي بعمره استشهد
فحس بغيرك و لا تنشر خبر نجاحه
ع جميع مواقع النت
و حطّ حالك ع الصامت

لما تولد بنتك و تجبلك
حفيد حلو ولذيذ. خبّي فرحتك بقلبك
ولا تصيري وكالة ناسا
و حسيّ بيلي فقدت طفلها
أو ما أراد رب العباد انها تنجب
و حطيّ نفسك ع الصامت

لما يكون عندك جمعه ظريفه
و تطبخي أكلات طيبة مو ضروري
تصوريها وتنشريها ع الفيس بوك
وتحرقي قلب العالم يلي مشتهيه
تاكل الاكل و مشتهيه اللّمه و الجمعه
و تنطرقي هديك العين
حطّي نفسك ع الصامت

لما بيجيكي ابن الحلال ويكتب كتابه
عليكي مو ضروري تصوري المحابس
وتحطي اصبعتك واصبعته
وامة لا إله إلا الله تعرف من ع الفيس
وثلاث أرباع البنات يحترق قلبها
على هالشوفه ومن بعدها العريس
فجأه بيكرهك وبيطرقك يمين طلاق
وساعتها يا حسره و يا ندامه...
حطّي حالك ع الصامت

لما بتزوري الحرمين وبتنزل دمعتك
من جلال وجمال ورهبة المكان
مو ضروري تفقسي حالك كم صوره
وتنزلي خمسين ألف بوست ع الفيس بوك
وانتي على اخر طراز واقفه
جنب الكعبه المشرفه أو تحت القبّة الخضرا
وتعالوا شوفوني ما أحلاني
وأنا صاحبة دين..

و من قلب الدنيا ما عاد تقدري
تمسكي قرآنك ولا تقرأي أورادك
وغمامة سودا على قلبك
ويا حيف و يا ندم...

 حطّي حالك ع الصامت

لما الله يكرمك وتطلع سياحه

مو ضروري  تطق صور
بكل معلم سياحي من معالم البلد
وعلى بوستات يمين وشمال
ويلي ما دري يعرف

خلّيك ع الصامت

نصيحه مني إلكم بهالايام الصعبة

بتفرح خلّيك ع الصامت

بتزعل خلّيك خليك ع الصامت

بتسافر.. بتتزوج...بتطلق.. بتمرض
بتاكل.. بتشرب.. بتشتري سياره جديده
خليك ع الصامت

هذا غير انه حرام وما بيجوز
والعين بتاخد حقها من الحجر

كمان الناس كلها مخنوقة
وما عندها للفرح مطرح وما عاد عندها
استعداد تسمع قصصك ومغامراتك لذلك

خلّيك ع الصامت

افرح مع ربك

و ازعل مع ربك

وبكل أحوالك مع ربك

وحده الضارّ النافع

و ما بيقدر اي شخص يغيّر شيء
في ملك الله
إلا بإرادة الله عز وجل

انصحوا بها من حولكم وليكن
على مبدأ التعاطف مع ظروف الآخرين
وليس من منطلق ان نستبعدهم
من أفراحنا وسعادتنا
بل استيعاب ظروفهم  ومشاعرهم
وتشارك لحظاتنا الجميله معهم
و ليس كل محروم حسود وناقم
بل هذا كله بأمر الله وليس بفضل منا
وان النعم لاتدوم فكم من منعم وثري
فقد مايملك  من ما او صحه او .....
وان الله سبحانه وتعالى يقلب العباد حيث يشاء

بارك الله لكل فيما اعطاه
وندعوا الله ان يرزق المحروم

د. أيمن رحمه

من أجمل ماوصلني

~~~~~~~~~~~~~~~~~~~~~~~~~~~~~~~~~